Словачкиот премиер, Едуард Хегер, му подари нов шал на Виктор Орбан на самитот на лидерите на Вишеградската група (В4) денеска во Словачка, пишува „Еуроњуз“.
„Забележав дека Виктор Орбан има стар шал, па денеска му подарив нов. Доаѓа зима“, напиша Хегер на Фејсбук.
Орбан на социјалните мрежи објави и фотографија со Хегер и нов шал. Тој на Твитер напиша: „Да живее унгарско-словачкото пријателство“.
Орбан беше критикуван од неговите соседи затоа што на неодамнешниот пријателски фудбалски натпревар во Будимпешта меѓу унгарските и грчките репрезентации носеше шал на кој беше прикажана картата на Голема Унгарија.
