Пејачката Нада Топчагиќ во повеќе наврати истакнува дека има голем страв од летање, поради што често имала и непријатни ситуации. Освен лоши работи, ѝ се случувале и смешни работи кои често ги прераскажува. Една од нив била кога еден нејзин колега внел пита и печено пиле во првата класа.
Нада раскажа непријатна ситуација од летот од кој едвај извлекла жива глава. Иако тогаш била многу исплашена, сега зборува за тоа со насмевка, бидејќи од оваа перспектива ѝ е смешно.
– Нè оставија да стоиме, петмина или шестмина стоевме. Леле, кога полета авионот… Тешко издржувам и кога седам, сакам да го скршам столот, не знам што да правам. А кученцето што го имав, малтешка пудлица, го пуштив. Пушти го кучето, какво куче, спасувај се. Паднав на патосот, бидејќи кога авионот почна да се ниша… Стјуардесата ми вика: „Леле, држете го кучето!“ Таа вреска, кучето одлета… Стјуардесата потоа ми вика: „Ми ги искинавте хулахопките!“ Какви хулахопки жено, спасувај се. Лудило, јас врескам, патниците ми викаат: „Држи го кучето!“ Ма какво куче, држи се Надо колку можеш. Значи, моето кутре одеше горе-долу како што се движеше авионот – ја прераскажа Нада Топчагиќ незаборавната случка.
