Американскиот претседател Џо Бајден ги негираше тврдењата на украинскиот претседател Володимир Зеленски дека ракетата што паднала на полска територија не е од украинско потекло.
Како што пренесува Скај њуз, Зеленски рекол дека „не се сомнева“ дека ракетата „не била украинска“.
Бајден рече дека патеката на летот на ракетата покажува дека е малку веројатно дека била истрелана од Русија, а на прашањето за коментарите на Зеленски за ова прашање, тој им рече на новинарите: „Тоа не е доказ“.
Ќе потсетиме дека Бајден веќе ја нарече малку веројатна можноста ракетата што падна во Полска да ја лансирала Русија.
Полскиот претседател Анджеј Дуда рече дека експлозиите во источна Полска биле несреќен случај и Варшава не го смета ракетниот инцидент за напад врз земјата, бидејќи проектилот што паднал, рече Дуда, најверојатно бил истрелан од украинските сили за воздушна одбрана.
