Боботи е јужноафриканска „мусака“ направена од мелено говедско или јагнешко месо, билки, зачини, кари во прав, овошје и завршен слој од јајца, со мирис на цимет или морско оревче. Рецептот потекнува од индонезиско јадење наречено боботок, кое Индонезијците го однеле во Јужна Африка во 16 век, кога превезувале зачини и робови во земјата.
Полна е со добро избалансирани вкусови-слатки и овошни од грозјето и шеќерот, зачинета од кари и куркума, кисела од лимонот и солена од месото. Денес, боботи е толку популарен оброк што има централна улога на празнични оброци и може да се најде во повеќето јужноафрикански ресторани, каде што традиционално се служи со зеленчук, жолт ориз (бел ориз со куркума) или бел ориз готвен на пареа кој ги впива богатите сокови кои истекуваат од исеченото парче.
View this post on Instagram
Потребни состојки:
– 1 парче бел леб (рустичен тип), исечен на мали парчиња со големина на залак
– 1 чаша млеко
– 2 лажици путер
– 1 кг килограми грубо мелено јагнешко(ако не можете да набавите јагнешко, заменете со говедско)
– голема главица ситно исечен кромид
– 2 лажици кари во прав
– 1 лажица кафеав шеќер
– 1 лажичка сол
– ½ лажичка свежо мелен црн пипер
– ¼ чаша исцеден свеж сок од лимон
– 3 јајца
– 1 јаболко со средна големина, излупено, исчистено и ситно рендано
– една рака суво грозје без семки
– ¼ чаша бадеми, грубо исечкани
– 4 мали лисја ловор
View this post on Instagram
Подготовка:
1. Прво, поставете ја рерната да се загрее на 150 степени целзиусови и комбинирајте млеко со леб во мала чинија, оставајќи го лебот да кисне 10 минути.
2. Додека млекото се впива во лебот, започнете со подготовка на месото. Во тава растопете го путерот на средна топлина, за да не изгори. Откако ќе се смири пената, додадете го месото.
3. Додека готвите – постојано мешате и внимавате да не се прават грутки. Кога месото веќе не е розово, извадете го од тавата и ставете го во длабок сад. Направете го тоа со лажица со дупки, бидејќи ќе ви треба преостанатата маснотија за да ги готвите другите состојки.
4. Сега, извадете ги маснотиите од тавата, освен количина од околу две лажици и додадете го кромидот. Гответе го кромидот, постојано мешајќи, околу 5 минути додека не омекне.
5. Додадете кари во прав, шеќер, сол и бибер и мешајте 1-2 минути. Во овој момент додадете сок од лимон и оставете да зоврие, а потоа смесата префрлете ја во садот со месото.
6. Ставете сито над сад и исцедете го лебот, осигурајте се дека ја исцедивте целата течност, оставајќи го лебот целосно сув. Чувајте го исцеденото млеко за подоцна.
7. Почнете да ги додавате преостанатите состојки во месото: леб, едно јајце, јаболко, суво грозје и бадеми, а потоа замесете сè со рацете или со дрвена лажица.
8. Кога смесата е добро измешана, проверете ја зачинетоста и додадете повеќе сол по желба. Префрлете ја смесата во сад за печење, измазнете ја површината. Следно, веднаш под неа ставете ловоров лист.
9. Измешајте ги преостанатите две јајца со резервирано млеко додека не се запене и потоа полека истурете го рамномерно врз месото. Печете 30 минути во загреана рерна или додека горниот слој не стане златно-кафеав.
10. Послужете додека јадењето сè уште е жешко, заедно со прилог од варен ориз.
