Се прашувате што да појадувате ова утро, или можеби потребна ви е идеја за ужинка или вечера, ова е одличен рецепт кој ќе биде вашиот нов омилен оброк.
Потребни состојки:
– 400 грама праз
– 150 грама сланина
– 100 грама спанаќ
– 500 грама крем сирење
– Сол
– Бибер
– Палачинки (однапред подготвени)
Начин на подготовка:
Исецкајте го празот на тенки кругови, спанаќот на линии, а сланината на коцки. Земете една тава и пржете ја сланината се додека не порумени. Внимателно извадете ја на страна, а во истопените маснотии динстајте го празот. Посолете по вкус, а кога празот ќе омекне, додајте го и спанаќот и динстајте уште неколку минути.
Тргнете ја тавата од оган и вратете ја назад сланината. Додајте и малку бибер по вкус, па оставете да се олади. Потоа, додајте го и крем сирењето, па рамномерно нанесете го на однапред подготвените палачинки.
Од оваа смеса ќе имате доволно фил за 15 до 20 палачинки.
