Состојки:
1,5 килограми поситни парчиња црвен кромид
2 литри алкохолен оцет
1 литар вода
4 лимони
3 лажици шеќер
4 лажици сол
2 кесички бибер во зрно
Подготовка:
Во поголем сад ставете го исчистениот кромид, прелијте го со половина од оцетот, додајте му сол и поклопете го, па оставете го да отстои еден ден.
Следниот ден, заедно со течноста во која отстоил кромидот, ставете го на оган да се вари 3-4 минути од моментот кога ќе зоврие.
Тргнете го од оган и оставете го да се олади. За тоа време помешајте го останатиот оцет со водата, сокот од лимон и шеќерот, па сето тоа кратко зовријте го и потоа оладете го.
Изладениот кромид наредете го во теглички, разлистан на прстени, додајте го биберот и прелијте со разблажениот оцет.
Затворете ги теглите и одложете ги на ладно место.
