25 рецепти за 25.000 илјади вкусни и здрави навики со Cooking with Branko.
Што му недостасува на твојот ден? Вкусна чоколадна торта со белгиско чоколадо и свежи јагоди
Вкусна, лесна и здрава торта за секоја пригода и уживање! Јас најдов многу свежи и сочни јагоди на пазарче, па се одлучив за следниот рецепт во комбинација со квалитетно белгиско чоколадо – вели шеф Бранко Попоски познат како Cooking with Branko.
Потребни состојки
За долниот дел
– 300гр. DIET плазма
– 100гр. солен бадем
– 70гр. путер
– 3 лажици какао
– сок од 1 цеден портокал
– 2 големи лажици мед
За кремот од чоколадо
– 200 мл. млеко
– 10 лажици бадемово брашно
– 1 кора портокал
– 2 јајца
– 2 лажици масло
– 1 прашок за пециво
– 100 гр. белгиско чоколадо
– 1 прстофат сол
За кремот од ванила
– Шлаг крем од ванила
– 50мл. оризово млеко
View this post on Instagram
Начин на подготовка
За долниот дел
Растопете го путерот, додадете ги мелените бисквити и бадемите. Промешајте со мед, какао и сок ид портокал. Истурете ја смесата на округлиот сад и оставете да се стегне.
За чоколадниот крем
Изматете ги јајцата и млекото. Додадете го полека бадемовото брашно, маслиновото масло, сол, кората од портокал и матете се додека не се изедначат состојките. Потоа, додадете го чоколадото и промешајте со лажица. Истурете ја смесата во садот каде што го направивте првиот дел и заедно печете околу 6 минути на 200 степени.
За кремот од ванила
Истурете ги шлаг кремот од ванила и додадете оризово млеко. Матете се додека не добиете цврст крем.
Јагодите исечете ги на тенки парчиња, со кои ќе го покриете горниот дел.
Кога ќе се испече чоколадниот дел, оставете го да се излади, па премачкајте го со кремот од ванила. Додадете ги јагодите врз кремот, а за дополнителен вкус искршете киндер јајце.
Уживајте!
