Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
„Амалфи брегот изобилува со плантажи со лимони и како еден од најпознатите производи од лимони е ликерот лимончело“.
Потребни состојки:
За тесто:
- 250 гр. брашно
- 1 лажичка сода
- 1 лажичка прашок за пециво
- 1/2 лажичка сол
- 190 гр. шеќер
- 65 гр. грчки јогурт
- 40 мл. ликер лимончело
- 2 лажички кора од лимон
- 60 мл. сок од лимон (2 лимони)
- 170 гр. стопен путер
- 3 јајца на собна температура (изматени)
За крем:
- 400 гр. крем сирење
- 250 гр. маскарпоне
- 30 мл. ликер лимончело
- 250 гр. шеќер во прав
View this post on Instagram
(@gotvime.so.tea)Начин на подготовка:
– Во длабок сад измешајте ги брашното, прашокот за пециво, содата, солта и шеќерот. Направете дупка во измешаните суви состојќи и додадете ги грчкиот јогурт, лимончелото, кората од лимон, сокот од лимон, стопениот путер и јајцата. Се убаво измешајте, така што ќе добиете потечно тесто. Поделете го тестото на два дела и испечете го во округло тавче на 200 степени 15-20 минути. Откако ќе ги испечете двете теста, оставете ги целосно да се изладат.
– Во меѓувреме подгответе го кремот. Измешајте ги со миксер крем сирењето, маскарпоне, шеќерот во прав и лимончелото, така што ќе добиете густ пенаст крем.
– Со кремот премачкајте го прво едното тесто, па врз него ставете го другото тесто и премачкајте ја целиот колач со остатокот од кремот. Декорирајте со парчиња свеж лимон и оставете го колачот да се лади во фрижидер најмалку 1 час.
*Послужете го со шоља добро кафе или чај.
На здравје и уживајте!
Домашно лимончело:
1. Лимоните убаво измијте ги и излупете ја кората (без белата основа) и ставете ја во тегла заедно со чистиот алкохол. Оставете ја 10 дена во темно.
2. После 10 дена на оган ставете ги водата и шеќерот и мешајте додека не се соединат (да стане како сируп)
3. Процедете го алкололот од лимоните и ставете го во водата и промешајте го неколку минути.
4. Поставете ги во шишиња и оставете ги уште неколку дена (можете и во фрижидер)
