Нека ве обземе празничниот дух, препуштете и се на фантазијата и дозволете и да создаде слатки ремек дела…
Дури и ако не сте вешти во декорирање, овие тортички многу лесно ќе ги направите. Потребен ви е само добар шприц за филот.
За малку поевтина варијанта, наместо маскарпоне можете да користите и неутрално крем сирење.
Состојки:
150 гр омекнат путер
150 гр шеќер
рендана кора од 1 лимон
2 јајца
150 мл млеко
прстофат сол
200 гр брашно
2 лажички прашок за печиво
Фил:
250 гр маскарпоне
сок од 1 лимон
50 гр шеќер во прав
1 ванилин шеќер
Останато:
прехрамбена боја за колачи
украсни топчиња, ѕвездички
Подготовка:
Калапите за мафини обложете ги со декоративни хартиени корпички. Вклучете ја рерната на 180 степени.
Подготовка на тестото
Шеќерот, изренданата кора од лимон и путерот изматете ги пенасто со миксерот. Додадете ги јајцата, млекото, солта и на крајот брашното измешано со прашокот за печиво.
Со смесата полнете ги калапите до 2/3 и печете околу 20 минути.
Подготовка на филот:
Маскарпоне сирењето, шеќерот во прав и ванилиниот шеќер изматете ги, па додадете го сокот од лимонот. Добро измешајте, додадете боја по желба и наполнете го слаткарскиот шприц со филот. Декорирајте ги мафините така што ќе направите новогофишни елкички, вртејќи со филот во круг и лесно поткачувајќи нагоре. По желба украсете со шарените топчиња, ѕвездички и сл.
