Валерија Атанасовска е Македонка со адреса на живеење во Германија.
Семејството Атанасовски живее во живописното германско село Доквајлер, на три километри од градот Даун.
Валерија по професија е конфекционерка, но не работи на струката.
– Работам во Дом за стари лица во Германија. А за одгледување и средување на нашиот двор се грижиме јас и мојот сопруг. Дворот е многу мал, ама секогаш е среден, со многу цвеќиња -ни одгвара Валерија.
Навистина, изобилство од прекрасни цвеќиња на мал простор, од трендафили, сардели, бегонии до каранфили…
– Секогаш е убаво кога си размануваме градинарски совети – согласна е Валерија – така секогаш ќе научиш нешто ново – вели оваа дама со огромна љубов кон природата и растенијата.
Инаку, Валерија е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во фотогалеријата.
фото – приватна архива
