Состојки:
(состојките мерете ги со иста чаша од 200 милилитри)
600 милилитри јогурт
две чаши шеќер
една чаша масло
една чаша кокосово брашно
две чаши брашно
три лажички какао
две лажички сода-бикарбона
500 милилитри слатка павлака за шлаг
9 лажици чоко-лешник крем
Подготовка:
Изматете ги јогуртот и шеќерот, па додајте ги маслото, кокосовото брашно, па брашното помешано со какаото и содата. Сето ова добро измешајте го и ставете го во подмачкан плех (25 х 35) што претходно сте го премачкале со путер. Пандишпанот печете го во претходно загреана рерна на температура од 200 степени околу 25 минути.
Испечениот пандишпан премачкајте го со убав слој крем. Изматете го шлагот, додајте 5 лажици крем, па продолжете да матите со миксер. Премачкајте врз тортата.
Оставете да се излади и да се стегне, па исечете ја на парчиња.
