Ким Кардашијан на следбениците на социјалните мрежи им ги покажа своите обиди да се искачи по скалите во тесен фустан пред ревијалната забава на Долче и Габана на модната недела во Милано. Видеото се појави на нејзиниот Инстаграм профил.
На видеото, кое е поддржано со соодветна музика, може да се види како тв ѕвездата и бизнисменка облечена во ултра тесен фустан во сребрена нијанса со корсет и макси должина, буквално се мачи да скокне на скалата бидејќи облеката не ѝ дозволува да ја подигне ногата.
Инаку Ким Кардашијан ја затвори ревијата на Долче и Габана како специјална гостинка на модната недела во Милано, а со луксузната модна марка воспостави нова соработка.
