Ако сакате комбинација на кокос и вкус на чоко-лешник крем (нутела), тогаш оваа торта е идеална за вашиот десерт.
Се прави лесно и брзо, а вкусот е прекрасен. Овој колач ќе ве воодушеви.
Потребни состојки:
Мерете со истата шолја од 200 милилитри
600 мл јогурт
Две шолји шеќер
Една шолја масло
Една шолја кокосово брашно
Две шолји брашно
Три лажички какао
Две лажички сода бикарбона
500 мл слатка павлака за шлаг
9 лажици чоко-лешник крем (нутела)
Подготовка:
Изматете ги јогуртот и шеќерот, па додадете го маслото, кокосовото брашно, па брашното помешано со какаото и содата. Сето ова добро измешајте го, па ставете го во подмачкан плех (25х35) со путер и посипан со брашно. Печете 25 минути во загреана рерна на 180 степени Целзиусови.
Испечениот бисквит премачкајте го со убав слој крем. Изматете го шлагот, додадете 5 лажици крем, па продолжете да матите со миксер. Премачкајте врз бисквитот.
Оставете да се излади и стегне, па исечете на парчиња.
Ако сепак повеќе го сакате овошниот вкус, тогаш овој рецепт за мафини со јагоди е идеален за вас.
