Холестеролот и триглицеридите претставуваат два облика на липиди (масти). Постојат два вида холестерол – ЛДЛ „лош“ и ХДЛ „добар“ холестерол.
Кога нивото на ЛДЛ холестеролот е високо, тој почнува да се лепи за површината на крвните садови, ја забрзува атеросклерозата и ја намалува еластичноста на артериите. Поради стеснување на артериите може да настапи инфаркт или мозочен удар. Покрај холестеролот, на оштетување на срцето делуваат и зголемените триглицериди, пишува Медиком.
Во продолжение прочитајте која храна е дозволена, а која забранета во случај на зголемен холестерол и триглицериди.
Дозволена храна
млеко и млечни производи – јогурт, кисело млеко, кефир, посно сирење во мали количини
јајца – белка
леб, пецива, тестенини – црн леб, ржан леб, леб од цели зрна, проја, ориз
месо, риба, морски плодови – сина и бела риба, пилешко и мисиркино месо, варено говедско, телешко и јагнешко, дивеч, димена шунка, пилешки гради
зеленчук – сите видови варен зеленчук, салата, производи од соја
овошје – јаболка, круши, портокали, лимони, мандарини, дуњи, јагоди, малини, капини, боровинки.
масло и масти – маслиново, соино, пченкарно, сончогледово масло
зачини – сите зачини
слатки – слатки со вештачки засладувачи, суви колачи без масти
пијалаци – чај и кафе без шеќер, минерална вода, природни сокови без шеќер
Забранета храна
млеко и млечни производи – полномасно млеко, овчо млеко, павлака, шлаг, путер, кајмак, полномасно сирење
јајца – жолчки
леб, колачи, тестенини – бел леб, лиснато тесто со путер и јајца, грицки, смоки, пецива
месо, риба, морска храна – масно свинско месо, говедско месо, јагнешко месо, паштети, колбаси, салама, чварки, сланина
зеленчук – компири во сите форми
овошје – грозје, банани, смокви, урми, кандирано и суво овошје, ореви, бадеми, лешници
масла и масти – маргарин, маст
зачини – мајонез, кечап
слатки – шеќер, мед, мармалад, џем, колачи, пудинг, сладолед, чоколадо
пијалаци – сите алкохолни пијалоци, сокови од тетрапак, газирани сокови, какао и топло чоколадо
