Раперката Азилија Бенкс која неодамна го сподели целиот процес на откопување на својата мачка, па се до варење и зачувување на нејзиниот череп во знак на сеќавање, сега јавно на австралиската радио станица призна дека поседува и череп од шест-годишно девојче.
Девојчето наводно починало од сериозни повреди на главата. Таа на изненадување на водителот од черепот од мачката наеднаш се префрлила на черепот од девојчето и ја изненадила целата јавност која ја осуди дека е морбидна.
Азилија во емисијата говорела за својата љубов кон коските и човековата анатомија.
На прашањето зошто има череп од мало девојче во својот дом таа одговори:
„Јас обожавам коски, ако ја проверите вашата картичка и возачка дозвола, ако сте донатори на органи, тие не го земаат само здравото срце или црниот дроб, туку имаат право на секој дел од телото, а некои од нив и ги продаваат. Постојат многу интернет стани за научни истражувања на кои всушност можете да купите човечки череп, како овој“, изјави пејачката и повторно го шокираше светот, притоа нагласувајќи дека не му сторила ништо лошо на својот мачор, туку едноставно сакала неговиот череп да го задржи за спомен.
