Кофеинот денеска успешно се применува во производство на најразлични козметички производи, особено оние наменети за поттикнување на циркулацијата.
Но, што велите да употребите кафе за козметички третмани во домашни услови.
Ова се три наши предлози:
Тоник за кожа – Со памук нанесете свежо сварено кафе на лицето и масирајте со кружни движења. Ќе постигнете изедначување на тенот. Исто така може да ставите кафе во калапи за мраз и да го масирате лицето со една коцка секој ден.
Маска за темна коса – измешајте две жолчки, мала лажичка рум, две лажици топла вода и додајте една лажичка мелено кафе и малку маслиново масло, Нанесете на косата, оставете да делува 5-10 минути и измијте со топла вода.
Антицелулитен третман – измешајте мелено кафе со гелот за туширање што обично го користите. Масирајте ги зоните на телото каде имате целулит. Истуширајте се со млака вода.
