Електричните апарати кои ги користите за нега на коса имаат рок на траење. Со правилна грижа, ќе успеете максимално да ги искористите, но ако се однесувате неодговорно, тој рок е многу пократок.
Просечен работен век на еден фен за коса е 800 часови работа, додека фигарата и пресите имаат просек од 500 до 1000 часови, во зависност од самиот апарат.
Дека нешто не е во ред ќе забележите доколку премногу загреваат, не ја остваруваат намената, физички се оштетени, испуштаат непријатен мирис на изгорено и ви ја оштетуваат косата повеќе отколку што се очекува. Ако апаратот грее премногу или премалку, тоа е јасен знак дека не е во ред и дека не е ефикасен како кога сте го купиле.
Воедно, неисправни апарати можат да бидат и опасност, бидејќи постои ризик од горење и експлодирање.
Затоа треба да внимавате фенот редовно да е исчистен од насобраните влакна и прашина. Пресата и фигарото треба да бидат чисти. Чувајте ги на чисти места, за да избегнете полнење со влага и прашина. Најважно, следете ги упатствата на производителот за правилно чување и одржување.
