Марк Хаден е пожарникар кој посвоил девојче, на чие раѓање учествувал и самиот тој, пренесува „BrightSide“.
14 ноември 2011 година, требало да биде само уште еден обичен работен ден за овој човек. На крајот, овој ден му го променил животот засекогаш.
Како и обично, Марк пристигнал да ја одработи својата 24-часовна смена. Меѓутоа, тој ден го распоредиле во медицинскиот тим. Неговата единица била испратена кај жена која таа ноќ родила девојче, Ребека Грејс.
Откако завршило породувањето, бебето и мајката биле однесени во болница. Наскоро станало јасно дека девојчето ќе биде дадено на посвојување. Марк не се двоумел ниту за момент и веднаш почнал да телефонира. Тој и неговата сопруга отсекогаш сакале уште едно дете, но не можеле да добијат по природен пат.
„Тоа беше долга ноќ. Не знаев дали тоа е воопшто можно. Следното утро дознавме дека е можно и се почна да се случува брзо. Грејс беше со нас 48 часа подоцна“, раскажа Марк, додавајќи дека целосно ја сметаат за дел од нивното семејство и дека никогаш не прават разлика помеѓу неа и нивните биолошки деца.
Исто така, тој и неговата сопруга одлучиле да не го кријат потеклото на Грејс.
„Не сакавме да започнеме да ја градиме нашата врска криејќи нешто од неа“, вели Марк.
