Kивито е плод кој често се избегнува, и се заменува со други овошки. Некои го избегнуваат поради киселиот вкус и непријатната конзистенција на плодот. Но, кога е добро созреано, кивито има прекрасен вкус и е пријатно за јадење.
Покрај тоа содржи уникатна комбинација од важни состојки што го прави многу корисно. Поради високиот процент на антиоксиданси и витамин Ц, помага во борбата со стареењето. Во комбинација овие состојки го неутрализираат дејството на слободните радикали, кои предизвикуваат некои заболувања и се виновни за стареење на организмот.
Ако редовно консумирате киви кожата ќе ви биде мазна и сјајна, бидејќи ја стимулира синтезата на колаген. Исто така кивито е добра профилакса за заболувања на кардио-васкуларниот систем. Содржи калиум, витамин К, па помага во прочистување на крвните садови и намалување на холестеролот.
Лутеинот и зеаксантинот кои ги содржи кивито се одговорни за доброто здравје на очите. Луѓето со астма и хронични проблеми со дигестивниот систем треба почесто да конзумираат киви, бидејќи тоа има многу поволно влијание при воспаленија на белите дробови, кашлици и грипови. Особено е добро при ноќна кашлица кај децата.
