Тим научници од институти ширум светот, од Пакистан и Чиле до Канада и САД, неодамна спроведоа истражување со цел да го испитаат влијанието на комбинацијата на мед и црн ким во лекувањето на пациентите со ковид-19, со оглед на тоа што досега се докажани нивните антимикробни, антивирусни, противвоспалителни и имуномодулаторни својства.
Спроведена е рандомизирана контролирана студија на пациенти со различни степени на тежина на болеста, а пациентите примале или еден грам мед на еден килограм телесна тежина и 80 грама црн ким на килограм телесна маса или плацебо во текот на 13 дена.
Резултатите покажале дека оваа комбинација помогнала да се ублажат симптомите, да се исчисти вирусот од телото и да се намали смртноста кај пациенти со умерен или тежок облик на болеста.
Авторите на студијата веруваат дека медот и црниот ким можат да се користат како сигурна и делотворна природна терапија кај заболените од ковид-19, бидејќи тие овозможуваат побрзо закрепнување и ги зголемуваат шансите за преживување.
Покрај тоа, тие можат да се користат самостојно или во комбинација со други лекови што се користат за лекување на ковид-19.
