Децата и младите под 18-годишна возраст кои прележале ковид имаат поголем ризик да развијат дијабетес еден месец по инфекцијата со вирусот во споредба со нивните врсници кои не прелелаже ковид.
Дури за 166 отсто е зголемена можноста за развивање на дијабетес кај малолетниците кои биле позитивни на ковид во споредба со оние кои не биле заразени со ковид, велат најновите истражувања.
Врската помеѓу Ковид-19 и дијабетесот може да се припише на штетата што ја предизвикува САРС-КоВ-2 на органите, првенствено на панкреасот.
Оваа врска мора дополнително да се истражи, а експертите предлагаат будно да се следи здравствената состојна на помладите од 18 години кои закрепнале од ковид, пишува Портал Здравје.
