Украинскиот претседател Володимир Зеленски „доживеал сообраќајна несреќа“, но „не бил сериозно повреден“. Неговиот портпарол Сергиј Никифоров ова го соопшти преку објава на Фејсбук, објаснувајќи дека лидерот на Киев бил прегледан од лекар.
Никифоров објасни дека автомобилот на Зеленски се судрил со приватно возило, но не прецизираше кога се случила несреќата.
„Претседателот беше прегледан од лекар: нема сериозни повреди“, рече портпаролот, додавајќи дека „околностите за несреќата ќе ги утврди полицијата“.
Неколку минути откако портпаролот на Зеленски ја даде изјавата, кабинетот на украинскиот претседател го објави видеото од вечерниот говор што лидерот го одржува секој ден.
