Индонезија донесе закон со кој се забранува секс надвор од бракот, пишува Aljazeera. На прекршителите им се заканува затворска казна до една година, а забраната ќе важи и за туристите.
Според новиот закон, локалните жители ќе можат да ги пријавуваат невенчаните двојки во полиција доколку се сомневаат дека имаат интимна врска.
За вонбрачна заедница, меѓу другото, се казнува со шест месеци затвор или парична казна, но само доколку некој тоа го пријави во полиција.
„Горди сме што нашиот казнен законик е во согласност со индонезиските вредности“, рече индонезискиот министер за правда Едвард Омар Шариф Хиариј.
Дополнително, со новите амандмани ќе се забрани навреда на претседателот, на државните институции, како и изразување на какви било ставови што се спротивни на државната идеологија на Индонезија.
