Експлозивната направа поставена во автомобилот на новинарката Дарја Дугина и ќерка на Александар Дугин, филоф познат како „мозокот на Путин, содржела околу 400 гр ТНТ (Тринитротолуен), пренесува руската новинска агенција Тасс повикувајќи се на агенциите за спроведување на законот.
Во моментов неколку делови од експлозивната направа се испратени на вештачење.
Претходно беше соопштено дека автомобилот на Дугина бил евакуиран од местото на трагедијата. По експлозијата џипот со кој управувал сега починаата Дарја Дугина, целосно изгорел. Истражителите откриле дека експлозивната направа била поставена на возачката страна под дното на автомобилот, известуваат руските медиуми.
Да потсетиме дека автомобилот во кој патувала Дарја Дугина експлодирал ноќта на 21 август во московскиот регион. По инцидентот, отворена е кривична постапка. Одделот смета дека убиството било нарачано.
