Концертот на српската пејачка Марија Шерифовиќ во Зеница започна како спектакуларен дочек на Новата година, но за жал, го одбележа и една непријатна случка. Пејачката мораше да го прекине настапот поради бројните петарди кои летаа кон сцената, и покрај нејзините предупредувања. Марија одлучи да ја напушти сцената заради сопствената безбедност, оставајќи ја публиката изненадена и разочарана.
Меѓутоа, и покрај инцидентот, концертот доби неочекувана романтична нота. Имено, во текот на вечерта едно момче по име Ади од Зеница одлучило да ја искористи приликата и да ја искаже својата љубов пред илјадници луѓе. На сцената Ади побарал присуство на својата девојка Хана со која е во врска четири години. Изненадената публика одушевено гледала како Ади клекнува пред Хана и ги изговара зборовите кои засекогаш ќе ги спојат заедно.
@cjarlesleclerc #proposal #marijaserifovic #zenica #zenica #novagodina2024 #foryou ♬ original sound – Leclerc99
На Ади му била потребна поддршка за да го изведе својот план, а таа поддршка ја добил од никој друг туку од самата Марија Шерифовиќ. Таа му пружила зборови на охрабрување и му суфлирала што да направи, дополнително придонесувајќи на овој емотивен момент. Хана со својот одговор ги одушевила сите присутни, а нивната љубовна приказна била проследена со голем аплауз и овации.
Овој концерт сигурно ќе остане запаметен по неверојатниот спој на незаборавни емоции, од „луда“ забава до романтично запросување, оставајќи ги присутните со мноштво различни впечатоци.
