Американскиот рапер Шон Комбс, познат како Диди, денеска (4 ноември) го прослави својот 55. роденден во затворот во Бруклин. Тој е таму од средината на септември, а денеска доби посебен повик од неговите деца.
На снимката, која ја објави синот Џастин Диор Комбс, децата на Диди се собрани околу торта. Најмладата ќерка Лав ја отпеа традиционалната роденденска песна и во негово име ја дувна свеќата. Потоа можеше да се слушне раперот на телефон како им кажува на децата дека ги сака и се гордее со нив.
View this post on Instagram
„Ви благодарам што сте силни. Ви благодарам што секогаш сте покрај мене и што ме поддржувате. Го имам најдоброто семејство на светот. Овој повик навистина ме направи среќен, се гледаме за неколку дена“, изјави Диди.
Снимката има илјадници допаѓања на Инстаграм, а корисниците на оваа социјална мрежа се со поделени размислувања.
„Тој е нивен татко. Лудо е што сите сте лути затоа што децата сè уште го сакаат“, „Што и да правел, тој не си ги изневери своите деца“, „Тој човек е одличен татко, тоа никој не може да му го одземе“, се дел од коментарите на следбениците.
