Хрватската пејачка Северина Вучковиќ често го кажува своето мислење кога се во прашање политичките прашања и опции, а овојпат јасно стави до знаење за кого би гласала, ако има право на тоа, за време на претседателските избори во САД.
Тоа го потврдува и коментарот кој го остави под објавата на актерката Деми Мур. Имено, актерката со селфи откри дека гласала за Камала Харис, а Северина ѝ остави емотикони од аплауз и црвено срце, пишуваат хрватските медиуми.
„Гласавме! Возбудена сум да го дадам мојот глас за #HarrisWalz. Гласањето е толку важен дел од нашата демократија, не заборавајте да го искористите своето право на глас“, напиша Мур.
Пред неколку месеци, Северина ја сподели изјавата на Камала од дебатата со Трамп на социјалните мреќи, која уследи по неговата реченица дека некои држави и демократи поддржуваат абортуси „по раѓањето“: „Никаде во Америка жена не носи бременост и не бара абортус – тоа не се случува. Тоа е навредливо за жените во Америка“.
