Ника Тошиќ преку својот профил на Тикток се пофали дека многу позајмува работи од скапиот гардеробер на нејзината мајка, музичката поп дива Јелена Карлеуша.
Помладата ќерка на Јелена Карлеуша и Душко Тошиќ, Ника Тошиќ е многу популарна на социјалните мрежи.
Откако почнала со средно училиште, Ника редовно споделува интересни видеа на кои покажува како се подготвува за училиште, а сега одлучила да позајми палто од скапиот плакар на мајка си, совршена за ноемвриските денови.
– Јакната на мајка ми, ланчето исто така таа ми го купи, ги носам и нејзините хеланки – рекла Ника во видеото, а потоа додала:
– И да, мајка ми ми ја направи фризурата.
@frnotnikaNapokon je petak♬ original sound – Nika
Видеото на Ника досега е прегледано повеќе од милион пати, а коментарите постојано се нижат.
„Замисли го имаш гардероберот на Јелена Карлеуша…“, „Леле Ника, дојде време да ги носиш работите на мајка ти“, „Преслатка си, твојата мајка е богата жена“ и други.
Да потсетиме, Јелена Карлеуша неодамна се разведе од Душко Тошиќ, по 17 години заеднички живот. Старателството на ќерките Атина и Ника ѝ припадна на Јелена, а таткото ќе може непречено да поминува време со нив кога и да посака.
– Имам многу добро воспитани ќерки. Тие се добри девојчиња, одлични ученички. Ника се снима за ТикТок, многу е духовита и паметна, но мајка ѝ ја воспитала добро и не морам да се грижам дали ќе употреби некој погрешен збор – се пофалила Јелена неодамна на ТВ Прва.
