Популарната српска фолк-пејачка Светлана Цеца Ражнатовиќ е родена во Житораѓа кај Прокупље, каде пораснала со сестра ѝ Лидија и нејзините родители, таткото Слободан и мајката Мира.
Екипата на емисијата „Папарацо лов“ овој пат успеа да сними како изгледа нејзиниот луксузен семеен дом, но и да дознае што мислат соседите за познатата пејачка и како ја паметат.
Од видеото може да се забележи дека родителите на Цеца живеат во голема палата која е целосно изградена од стакло и куполи, а опкружена со висок бетонски ѕид кој ги штити од љубопитните погледи. Всушност, куќата изгледа како голем замок во модерен стил.
Мештаните откриваат дека сестрата на фолк-пејачката почесто доаѓа во родното село Житораѓа, но се сеќаваат дека и покрај тоа што поради музичката кариера завршила вонредно училиште, Цеца била одлична ученичка.
Тие велат дека Цеца доаѓа секогаш кога има време и секогаш е со родителите за семејната слава, но почесто го гледаат нејзиниот син Вељко.
