Синоќа заврши првиот од четирите спектакли на Дино Мерлин во белградската Штарк Арена.
Босанската мегаѕвездата направи вистинска магија, а 20-илјадната публика едвај го пуштила да замине од сцената откако го вратила на бис со овации.
Дино првиот концерт го заврши со песната „Један дан“, а Белград утре го очекува спектаклот број два.
– Од овој посебен град вечерва нека оди порака за мир во целиот свет – рече меѓу другото Мерлин на крајот од првата концертна вечер во српската престолнина.
На првиот концерт во Белград Мерлин ги испеал и двете нови песни. „Наскоро ќе биде зима“ (Skoro će zima), нова балада од неговата креативна работилница и дуетот „Не радујемо се“ кој го испеа заедно со неговиот гостин на сцената, мултиинструменталистот Марко Луис.
Потсетуваме, Дино Мерлин доаѓа во Скопје со концерт во арена „Борис Трајковски“. Концертот закажан за 27 декември е веќе распродаден, а во продажба се картите за вториот концерт во Скопје, 28 декември.
