Црногорската пејачка и актерка Катарина Богичевиќ (27) објави емотивно видео и ја покажа својата девојка, што е воедно и јавно признание за нејзината сексуалност, за првпат.
Имено, Катарина Богичевиќ ѝ се обрати на својата девојка, која ја покажа пред јавноста за првпат, со трогателни зборови. Нејзината партнерка го слави 31-виот роденден, а токму на тој ден реши јавно да ја признае истополовата врска.
– Среќен 31-ви роденден на мојата духовна сопруга, мојата муза, мојата божица – напиша таа, а потоа додаде:
– Ме научи како да бидам присутна во своето тело – целосно, слободно, без срам, без табуа. Ме потсети дека нежноста не е слабост, дека кажувањето „не“ е свето и ми покажа како да ја разбудам вистинската муза во себе. Ми покажа што значи навистина да чувствуваме, да бидеме свесни за товарот што го носиме и да се сакаме себеси целосно, длабоко, без извинување. Овој вид сестринство, каде што растот се среќава со вистината, а љубовта е ослободување, е редок и свет. Ти отсекогаш беше моето „до крајот и назад“. Те сакам бескрајно. Ти си светлина, оган, древна мудрост – и светот сè уште не те видел во сета твоја моќ. Родени сме пред нашето време и сум бескрајно благодарна што се пронајдовме во ова. Ајде да светиме диво, заедно, низ сите животи, моја Буба.
View this post on Instagram
Целото видео беше придружено со нејзината песна „Кожа не гребе“, со стиховите: „Не сакам злато, бејби, само тебе те сакам, соблечи сè од тебе и легни на мене…“
„Нека е со среќа, вашата енергија е заразна“, „Дали е можно?“, „Малку ме шокираше“, „Целосна поддршка за љубовта, држете се девојки и уживајте“, се коментарите под нејзината објава.
