Цеца заигра на сцена во црн „минич“, пренесуваат српските медиуми за концертот на Цеца во Ниш кој го нарекуваат вистински спектакл.
Регионалната фолк ѕвезда Светлана Цеца Ражнатовиќ синоќа одржа голем концерт во Ниш – во Нишката тврдина во рамки на својата турнеја.
Концертот го започнала со својот евергрин „Београд“, а потоа следувале хитовите „Кукавица“, „Шта је то у твојим венама“, „Куда иду остављене девојке“, „Доктор“, „Маскарада“, „Име и презиме“…Како атмосферата се вжештувала, публиката ги пеела сите песни наизуст.
Цеца била видно среќна што настапува во својот роден крај после 10 години.
На сцената блеснала во црн секси мини фустан, на моменти танцувала, па дури и ги собула белите високи чизми.
Се проценува дека на концертот дошле 15.000 луѓе.
