Морскиот биолог Том Хирд и научникот за животна средина од Универзитетот во Флорида Трејси Фанара ги проучувале ајкулите во архипелагот Флорида Кис за да видат дали кокаинот има некакво влијание врз нив.
За време на нуркање за да го набљудува однесувањето, ајкула од еден вид што вообичаено ги избегнува луѓето, се приближила до тимот и пливала на многу чуден начин. Истражувачите снимиле и ајкула која изгледа како да е под дејство на некој опијат и плива во тесни кругови и покрај фактот што нема ништо во близина.
When sharks get high on drugs!
According to a study, sharks react to cocaine in a similar fashion like humans.@eriknjoka tells you more
Watch more: https://t.co/wojetdJccS pic.twitter.com/t0PmA7yADd
— WION (@WIONews) July 22, 2023
Покрај следењето на ајкулите, научниците ставиле и слични пакети со кокаин во водата како дел од нивната студија, како и млади лебеди за да видат што прво ќе каснат ајкулите.
На нивно изненадување, ајкулите тргнале по пакетите, а не по лебедите, и почнале да ги гризаат. Една ајкула дури и украла пакет и побегнала со него.
Биологот Хирд призна дека многу различни фактори можат да бидат одговорни за чудното однесување.
Шверцерите на дрога фрлаат безброј тони кокаин во водите околу Флорида, што е транспортиран од Јужна и Централна Америка, или за да го остават кај соработниците или за да избегнат апсење. Дрогата потоа често се исфрла на брегот.
Само минатиот месец американската крајбрежна стража заплени повеќе од 6.400 килограми кокаин во Карипското Море и Атлантскиот Океан, вреден 186 милиони долари.
