Во размената на пораки со млада девојка од Германија, тој исто така признал: „Ја застрелав баба ми“
Неколку минути пред да го направи масакрот во Увалде, Салвадор Рамос испратил низа пораки до една девојка во Германија во кои објавил „Ќе одам да пукам во основно училиште“ и дека „штотуку ја застрелал неговата баба во глава“. Девојчето има 15 години, живее во Франкфурт и го запознала убиецот преку социјална платформа на 9 мај. Вознемирувачките пораки се испратени во 11.21 часот по локално време, 17.21 часот во Македонија, непосредно пред масакрот. Претходните денови Рамос ѝ кажал на девојката дека му пристигнала муниција.
Неколку минути пред да го изврши масакрот во основното училиште, Рамос ја повикал девојката и и рекол дека ја сака. Повикот дошол во 17 часот, 20 минути подоцна младиот Рамос ѝ пишал дека ја застрелал баба си во глава, а неколку секунди подоцна дека ќе пука во основно училиште. Девојката рече дека разговарала секој ден со убиецот на Фејстајм и преку апликација наречена Јубо, и дека си играла со него на друга апликација наречена Plato.
Девојката рекла дека „изгледал среќен и спокоен“. Во еден момент ѝ рекол дека ќе дојде да ја посети „наскоро“ во Франкфурт. Меѓутоа, други пораки биле вознемирувачки. Кога ѝ кажал за муницијата, на пример, таа го прашала што планира да направи, а тој одговорил: „Чекај, изненадување е“. Во друга од овие вознемирувачки пораки, убиецот напишал дека „фрлал мртви мачки по куќите“.
