Свршеникот на познатата српска пејачка Милица Тодоровиќ, Марио Беришиќ, вчера е уапсен во елитниот дел на Белград.
Марио е приведен по потерница на Интерпол и дал изјава во полициската станица 29. ноември во Белград, каде што моментално е задржан. Тој ќе биде изведен пред Вишиот суд каде ќе биде сослушан.
Деталите сè уште не се познати, а пејачката сè уште не се огласила по откривањето на оваа информација, додека српските медиуми нè потсетуваат на неговата поранешна врска со колешката на Милица, хрватската пејачка Јелена Розга, пишува српски „Курир“.
Како што пишуваат хрватските медиуми, Розга и Марио биле во врска во 2010 година, а колку многу им цветале рози во љубовта покажува и фотографија која ја здогледа светлината на денот.
Инаку, Марио во тоа време бил сопственик на едно познато кафуле.
– Вистина е, многу сум среќна и вљубена. Марио го запознав летово преку колегата Јошко Чагаљ Јоле и можам да кажам дека е прекрасно момче. Времето го поминуваме малку во Риека, малку во Сплит – рекла тогаш Јелена.
Сепак, на крајот на 2010 година тие ја раскинале врската, а пејачката тогаш изјавила:
– Едноставно не одеше. Неодамна раскинавме – изјавила Јелена Розга за „ИнМагазин“.
