Поранешниот партнер на српската пејачка Катарина Грујиќ, Коста Обрадовиќ, е уапсен во Подгорица, Црна Гора, поради сомнение дека ѝ се заканувал на една девојка со објавување интимно видео.
На поранешниот дечко на Катарина Грујиќ му е одреден притвор до 72 часа од страна на основното државно обвинителство во Подгорица.
Според соопштението на обвинителството, се сомнева дека Обрадовиќ бил во еден хотел во Подгорица на 27 ноември, според жртвата Н. Ѓ., презел дејствија на нарушување на нејзиниот сексуален интегритет против нејзина волја, по што наводно ѝ се заканил со објавување на снимката со интимна содржина.
„Постои сомнение дека на 27 ноември, во хотелски објект во Подгорица, осомничениот, според оштетената Н. Ѓ., презел дејствија со кои го нарушил сексуалниот интегритет на жртвата против нејзина волја, а потоа ѝ упатил закани дека ќе ја објави снимката со интимна содржина“, соопштиле од обвинителството во Подгорица.
Обрадовиќ од порано ѝ е познат на полицијата во Црна Гора. Претходно правосилно бил осуден на две години и 10 месеци затвор, откако било откриено дека во текот на брачна посета во еден затвор, се обидел да се сретне со жена која не е негова сопруга.
