Генералниот секретар на НАТО рече дека „ништо не може да вети“ за приемот на Шведска и Финска, за кои во Мадрид е во тек тринасочен самит со Турција. Алијансата ќе ги намали своите емисии за 45% до 2030 година.
Почна попладнево во Мадрид самитот на шефовите на држави и влади на Атлантската алијанса што самиот Столтенберг го опиша како „ многу важен , „клучен”,„историски“ и „трансформативен“.
Join me live from the #NATOSummit Public Forum – High-Level Dialogue on Climate and Security.
📍Madrid, Spain 🇪🇸 https://t.co/9o8DfsHUr0
— Jens Stoltenberg (@jensstoltenberg) June 28, 2022
Телефонски повик на Зеленски пред самитот
Во телефонскиот разговор пред самитот меѓу украинскиот претседател Владимир Зеленски и генералниот секретар на НАТО, Јенс Столтенберг, Зеленски ја повтори „важноста од моќен противракетен одбранбен систем за Украина за спречување на руските терористички напади“. Зеленски повторно со видео повик ќе се поврзе со членовите на Самитет што ќе биде отворен вечерва во Мадрид, а ќе заврши на 30 јуни.
View this post on Instagram
Столтенберг: „Војната ги покажа ризиците од зависност од суровини од од авторитарните режими“
Во говорот на генералниот секретар на НАТО, Јенс Столтенберг фокусот беше на војната во Украина, која „ги покажува ризиците да бидеме зависни од суровините што доаѓаат од авторитарни режими“ и „мора брзо да се ослободиме од зависноста на руската нафта и гас“. Русија, според Столтенберг, ја користи енергијата како „оружје за принуда“, насочено против Западот. „Сепак, не смееме да зависиме од друг авторитарен режим“, предупреди Столтенберг, мислејќи на Кина.
Земјите на НАТО, особено европските држави, исто така плаќаат цена за санкциите против Русија, но тоа е „цената на слободата“, смета Столтенберг кој потоа го негираше Путин дека блокадата на украинскиот извоз на жито е резултат на западните санкции. „Но, досега најголемата цена е она што Украина плаќа“, заклучи Столтенберг.
Во говорот, понатаму тој зборуваше за влезот на Шведска и Финска во Нато, за кои вето стави Турција. За таа ситуација генералниот секретар на НАТО рече дека не може „ништо да вети “. „Апликацијата за членство на Шведска и Финска е историска одлука, важна за безбедноста на сите членки на Атлантската алијанса“, рече Столтенберг, но „во исто време, мора да ги обезбедиме и безбедносните интереси на сите сојузници“. „Турција изрази загриженост во однос на безбедноста за прашања како што е тероризмот“, објасни генералниот секретар, „во Турција илјадници луѓе се убиени од страна на ПКК“ која за Европската унија е терористичка организација, додаде тој нагласувајќи дека мора да се направи нешто повеќе во борбата против тероризмот.
