Српскиот претседател Александар Вучиќ и неговиот тим за односи со јавноста одлучија недостатоците на Вучиќ да ги претворат во негова предност во претседателската кампања, која завршува на 3 април, кога се одржуваат претседателските избори во земјата.
Партијата „Српска народна странка“ на чие чело е Вучиќ, многу сериозно ја сфати кампањата за претседателските избори и го сними третото видео од серијалот за промоција на Вучиќ, а досега потрошила околу 600.000 евра.
Покрај тоа што прима разни делегации, спортисти, бизнисмени, посетува разни места, присуствува на секакви и најневажни отварања, Вучиќ во Србија е познат како човек кој буквално ќе ти излезе и од паштета што си ја отворил, бидејќи го има насекаде без посебни потреби и причини. Опозицијата го нарече Вучиќ „трујач на јавниот простор“, и „задушувач на опозицијата“, а ова видео е негов автоироничен гест кон сите овие провокации.
Сепак, иако за многумина спотот е многу симпатичен, некои пак, сметаат дека би бил успешен само доколку Вучиќ навистина не би бил присутен во сите српски медиуми и кога навистина не би излегувал не само од фрижидер и не само од паштета, туку и од чаша.
