Како и секоја година, вообичаено пред настанот Избор на песна за Евровизија, кој годинава ќе се одржи во Торино, Италија, во тек се „типувањата“ за фаворитни песни преку различни „кладилници“.
За сега на првото место котира украинската песна, на второ место се Италијанците, на трето – Шведска, а Грција на четврто место.
Српската претставничка брзо ги освојува срцата на слушателите, па веќе се искачи на 20.место, а малку подолу на табелата (на 24.место) е Албанија.
За жал, македонската претставничка нема многу среќа што се однесува до опкладувањата. За сега е на дното на табелата, односно на претпоследното 39 место. Зад нас е само песната на Словенците.
