Британски синџир супермаркети ќе лансира посебен производ, во чест на платинестиот јубилеј (70 години на тронот) на кралицата Елизабета: торта во облик на кучињата кои ѝ се толку драги на кралицата.
Совршен десерт за улични забави (забавите организирани на улица кои од 2 до 5 јуни ќе се одржи низ цела Британија): торта во облик на корги кои супермаркетите UK Morrisons ќе ја лансираат на 21 мај, токму на време за почетокот на прославите за 70-годишнината од рекордниот престол на Елизабета Втора.
View this post on Instagram
Коргите, неоспорната љубов на кралицата Елизабета
Креаторите на слаткиот формат корги се инспирирале од легендарната страст на кралицата за оваа раса на кучиња, родена кога за нејзиниот 18-ти роденден ја доби легендарната Сузан како подарок од нејзиниот татко Џорџ Шести. И Џорџ Шести ја имаше оваа страст кон оваа раса на кучиња и од нив чуваше повеќе во текот на целиот живот.
За да ѝ дадат име на тортата, од компанијата се обратија на Фејсбук, каде што организираа натпревар што го привлече интересот на илјадници луѓе со предлози и коментари. На крајот, едно име беше избрано: Кларенс Корги, во почит на кралската резиденција на Кларенс Хаус, која се наоѓа веднаш до Бакингемската палата.
Десертот во облик на корги се заснова на веќе многу популарен рецепт кој инспирирал други слатки во облик на животно, вклучувајќи и гасеница и прасенце. Станува збор за швајцарски ролат потопен во млечно чоколадо. Тортата ќе чини 6 фунти (нешто повеќе од 7 евра) и може да се послужат од неа 12 луѓе.
