Снаата на српската пејачка Драгана Мирковиќ е бремена и наскоро ќе ѝ подари внуче, а пред да влезе во врска со синот на пејачката, Мелани Димитријевиќ наводно сакала да биде дел од едно реално шоу.
Избраничката на синот на Драгана, Марко Бијелиќ, живее во Виена, а на социјалните мрежи ја следеле повеќе од 20.000 луѓе. Таа често позирала во провокативни изданија, а нејзините фотографии во бикини биле „лајкувани“ стотици пати.
Меѓутоа, откако дознале дека ќе станат родители, Марко и Мелани ги избришале своите социјални мрежи, а како што сега пишуваат српските медиуми, снаата на Драгана наводно сакала да си ја проба среќата во реално шоу.
– Мелани се обиде да закаже состанок преку некои пријатели кои сега се во реалното шоу, а тие велат дека дури отишла и на состанок со луѓе од продукцијата за да види дали ќе биде во реалното шоу. На социјалните мрежи има дури и фотографии направени покрај езерото во Шимановци на имотот. Тоа беше сè додека не почна да се забавува со синот на Драгана, Марко. Кога го запозна Марко, сè падна во вода – тврди извор за „Скандал“!
Бидејќи децата на Драгана ретко се изложуваат во јавност, немаше многу можности да се видат Мелани и Марко заедно, но синот на пејачката објави неколку фотографии со својата атрактивна девојка на својот инстаграм-профил.
Да потсетиме, Драгана Мирковиќ потврди дека ќе добие внуче и дека е исклучително среќна поради тоа.
