Американската пејака Доун Ричард сведочеше на судењето на Шон Диди Комбс, кој се соочува со сериозни обвиненија за рекетирање, трговија со луѓе и организирање проституција.
Ричард беше дел од неговата издавачка куќа „Бед бој рекордс“ член на женската група „Денити Кејн“ од 2009 до 2011 година. Во тој период таа наводно била сведок на насилството на Комбс врз пејачката Каси, пренесува „Пипл“.
Каси, чие целосно име е Касандра Вентура, беше во врска со Комбс од 2007 до 2018 година. За време на нејзиното сведочење минатата недела, таа ги опиша деталите за таканаречените „фрик-оф“ забави што Комбс ги организирал додека бил под дејство на дрога.
Во судот, Ричард сведочеше дека во 2009 година го видела Диди како ја удира Кеси по главата со тава, по што таа паднала на подот. Таа додаде дека била шокирана и исплашена и дека Комбс ѝ рекол следниот ден: „И ти можеш да исчезнеш“.
Обвинителката Кристи Славик ја праша Ричард: „Кога Комбс Ви кажа дека луѓето можат да исчезнат, како го разбравте тоа?“ Таа одговори: „Дека можат да умрат. Не можев да верувам дека тоа е почетокот на нашето патување.“
По тој инцидент, таа вели дека била сведок на често насилство врз Каси.
„Тој ја удираше, ја давеше, ја влечеше, ја удираше во уста. Го видов како ја удира во стомакот, ја шутираше…“, рекла таа.
Таа исто така тврдеше дека членовите на персоналот на Комбс редовно биле присутни за време на нападите, но дека тие не реагирале, иако Каси имала видливи повреди на лицето, очите, нозете, рацете и колената.
Ричард рече дека го видела Комбс како ја удира Каси во стомакот во ресторан. Подоцна, вели таа, се скарале во автомобилот. Кога Каси му рекла дека не требало да го прави тоа пред луѓе, тој наводно ја зграпчил за вратот, ја удрил во устата и ѝ рекол да замолчи.
Ричард исто така рече дека кога Каси имала модринка под окото, таа и друг член на групата намерно носеле очила за сонце со неа во јавност, за да покажат солидарност и поддршка.
Музичкиот могул беше уапсен минатиот септември додека беше во Њујорк и се соочува со голем број обвиненија, вклучувајќи рекетирање и трговија со луѓе со сила, измама или принуда. Тој ги негира сите обвиненија. Судењето се одржува во судот во општината Менхетен во Њујорк, во истоимената федерална држава во САД. Судењето официјално започна на 5 мај 2025 година, додека воведните зборови беа започнати на 12 мај.
