Сара Јо присуствуваше на промоцијата на новиот албум на пејачката Там „Шеќер и сол“, а вниманието го привлече со модното издание во кое искомбинира ролка и минијатурни шорцеви.
Фотографиите од модното издание ги сподели на својот профил на Инстаграм, каде за само неколку часа собра голем број лајкови.
Главниот дел од комбинацијата беше долг кариран капут во црно-бела варијанта, со црна кожна јака и џебови. Под капутот носеше црна ролка и минијатурни шорцеви, а нозете ги покри со проѕирни црни хулахопки.
Стајлингот го надополни со високи лакирани чизми со шпицест врв, голема црна кожна чанта и очила за сонце, додека косата ја собра во залижана пунџа.
Трендот „без панталони“ (no pants), односно носењето хулахопки или минијатурни шорцеви наместо панталони, од модните писти се пресели и во секојдневните комбинации на познатите личности. Следбениците во коментарите главно ѝ упатуваа комплименти, а еден од нив ја спореди со Мадона.
Да потсетиме, Сара Јо на крајот на октомври го прослави својот 33. роденден во друштво на партнерот Алексеј Бјелогрлиќ, кој ја изненади со голема торта. Парот кон крајот на август, со заедничкото летување, стави крај на гласините за раскинување, а пејачката во јули, во соработка со Коби, ја објави песната „Подлабоко“.
