Објавата е поддржана со фотографија од нејзиното тело, признавајќи дека за време на празниците не се чувствува удобно во сопствената кожа.
Американската пејачка Бебе Реџа (32), која е по потекло од Гостивар, сподели емотивно видео за нејзината борба со вишокот килограми.
View this post on Instagram
„Значи, празници се и знам дека сите треба да бидеме среќни“, започна 32-годишната пејачка во видеото објавено на TikTok и продолжи:
„Мислам дека сум најтешка од што некогаш сум била. Само што се измерив и не се чувствувам удобно да го споделам со вас бројот на килограми“.
Реџа, чие вистинско име е Блет Реџа, плаче додека го снимала видеото: „Едноставно се чувствувам одвратно, знаете, во сопственото тело“, рече таа.
„Не се чувствувам добро во своја кожа, а кога не се чувствувам добро, не сакам да објавувам ништо и навистина тоа е причината што не објавував во последната година или барем колку што објавував порано“, рече таа.
@beberexhaHonest update.♬ original sound – BebeRexha
Реџа признала и дека нејзината борба со изгледот односно со вишокот килограми доаѓа од „повреденост и збунетост“ , но и до незнаење како да си помогне. Таа понатаму признава дека се бори и со тоа како да се сака себеси.
Бебе Реџа е родена на 30 август 1989 година во областа Бруклин во Њујорк, а нејзините родители се етнички Албанци. Нејзиниот татко, Фламур Реџа, е роден во Дебар, Македонија. Емигрирал во САД на 21 година. Таму се оженил со Букурија, родена во Америка, во албанско семејство по потекло од Гостивар.
View this post on Instagram
