– Како што веќе најавивме, од утре па натаму следува период на стабилно, суво и сончево време со мала до умерена локална облачност. Ќе дува и слаб до умерен ветер од северен и од северозападен правец. Температурите утре ќе се искачуваат во интервалот од 7 до 14 степени. За време на новогодишната ноќ пак времето ќе биде ведро и не многу студено со мала до умерена локална облачност. Ќе дува слаб до умерен ветер од северозападен правец, додека температурите ќе се движат во интервалот од 1 до 6 степени – вели нашиот метео прогнозер Славчо Попоски.
Според Попоски, во првите неколку денови од новата 2022 година времето ќе биде стабилно, суво и сончево, како и невообичаено топло. Ќе има појава и на мала до умерена локална облачност а температурите ќе се движат во интервалот дури од 10 до 17 степени, и тоа особено за време на викендот.
И во Скопскиот регион од утре па натаму следува период на стабилно, суво и сончево време со мала до умерена локална облачност. Ќе дува и слаб до умерен ветер од северен правец, додека температурите ќе се искачуваат во интервалот помеѓу 12 и 14 степени.
