– Како што најавивме утре локално ќе има нешто повеќе облачност, и особено во источните и во североисточните предели ќе има услови за сосема слаб локален дожд и снег на планините. И понатаму ќе дува засилен ветер од северен и од североисточен правец. Температурите ќе се искачуваат во интервалот од 5 до 16 степени во најтоплите предели. Во деновите потоа, односно од средината на оваа недела ќе има ПОГОЛЕМО ЗАТОПЛУВАЊЕ на времето и продор на топла воздушна маса од југ која ќе услови ЗНАЧИТЕЛЕН ПОРАСТ на температурите, и максималните дневни тогаш во најтоплите предели ќе надминуваат 20 степени, односно истите ќе се искачуваат во интервалот од 15 до 23 степени. Времето ќе биде стабилно, суво и со многу сонце, вели нашиот метео прогнозер Славчо Попоски.
И во Скопскиот регион утре ќе има малку повеќе облачност а ќе дува и засилен ветер од северен и од североисточен правец. Во деновите потоа ќе биде претежно сончево и ЗНАЧИТЕЛНО ПОТОПЛО со максимални температури кој ќе се искачуваат во интервалот од 12 до дури 18 степени према викендот.
