– Како што претходно кажавме и најавивме, во следниот период времето ќе биде претежно облачно со повремени локални врнежи од дожд, додека на планините врнежите ќе бидат од снег. Повеќе врнежи ќе има во понеделник, кога врнежи од снег ќе има и на некои повисоки места со надморска височина од околу или малку под 1000 метри. Ќе дува слаб до умерен ветер од променлив правец, додека во понеделник ветерот ќе биде од северен правец и истиот повремено ќе биде засилен на интензитет. Температурите ќе бележат тенденицја на значителен пад и истите ќе се искачуваат во интервалот од 4 до 12 степени – вели нашиот метео прогнозер Славчо Попоски.
И во Скопскиот регион во следните денови времето ќе биде претежно облачно со услови за повремен локален дожд. Ќе дува слаб до умерен ветер од променлив правец, додека во понеделник ветерот ќе биде од северен правец и истиот повремено ќе биде засилен на интензитет. Температурите ќе се искачуваат во интервалот помеѓу 7 и 8 степени.
