– Денес, како и во текот на следните денови времето во Македонија ќе се задржи стабилно, суво и сончево со мала локална облачност. Денес, и повторно од понеделник и тоа особено долж Повардарието ќе дува умерен, повремено засилен ветер од северозападен правец.
Исклучок ќе биде вторник кога ќе има нешто повеќе облачност, и тоа особено во северните предели каде ќе има услови за локално провејување на снег.
Минималните температури насекаде ќе се спуштаат под нулата, односно истите ќе се спуштаат во интервалот од -8 до -1 степен, додека максималните ќе се искачуваат во интервалот од 4 до 11 степени, додека од вторник истите ќе бидат пониски и ќе се искачуваат во интервалот само од 1 до 8 степени – вели нашиот метео прогнозер Славчо Попоски.
