Сите знаеме дека да се носи мејкап на вежбање не е добро за кожата, но сепак може да се обложиме дека голем дел од девојките се прават глуви пред ваквите заклучоци.
Според експертите, секоја шминка на лицето за време на вежбањето е штетна за кожата, освен карминот и минералната шминка.
Бидејќи носењето шминка во фитнес сала не ни служи баш за ништо, освен да изгледаме поубави, ексертите советуваат воопшто да не се става шминка на лицето додека вежбаме, дури ни течна пудра, објаснувајќи дека шминката се врзува со процесот на поттењето на телото. Всушност, најлошото е во тоа што ги затвора порите на лицето кои вежбањето има цел да ги отвори.
„Носењето шминка за време на вежбањето создава совршено опкружување за бактериите да напредуваат, но и лежиште на секакви инфекции на кожата“.
И не само за време на тренингот туку и неколку часа после вежбање шминката е штетна за лицето и треба да се избегнува. Во спротивно, создаваме одлична база за појава на акни.
Затоа, следниот пат добро размислете дали нашминкани да влезете во фитнес сала.
