Хрватската пејачка Северина Вучковиќ со години ја одржува истата тежина.
Во еден момент имала 63 килограми, но брзо успеала да ослабе и сега има 56. Нејзиниот конфекциски број е 36, а нејзините мерки се 95-61-95. Така е со години, иако не оди во теретана. Како што откри, таа верува дека по бројните настапи, нејзиното тело мора да се одмори.
„Доволно ми е да правам вежби еднаш неделно, а кога се спремам за турнеја, тренирам три до четири пати. Вежбам рамномерно и го оптоварувам целото тело, а за совршен задник правам клекнувања. Би им препорачала на сите жени да прават 100 клекнувања дневно и модната писта е нивна“, изјави пејачката за Пинк.
Како изгледа менито на Северина?
Исхраната на пејачката главно се состои од сурово овошје и зеленчук.
„Се трудам да не внесувам токсини во моето тело и ми се чини дека сум на добар пат целосно да ги исфрлам од мојата исхрана. Бидејќи ги сакам овошјето и зеленчукот, во последно време само тоа го јадам. Штом ќе станам, пијам смути, во кое ставам моркови, цвекло, малини, јагоди, боровинки, капини и бадемово млеко. Понекогаш додавам малку банана за да биде погусто. Тој оброк навистина ме заситува, па не сум гладна до ручек“, рече таа.
Јаде три јајца за појадок, филе од риба за ручек и овошје за вечера. Нејзиното омилено јадење е суши, а кога била во фаза на слабеење, редовно јадела риба.
